စည်းလုံးခြင်းရဲ့  အင်အားArticles

ယနေ့ မြန်မာ့နိုင်ငံရေးအပေါ် စစ်မှုထမ်းဟောင်းတစ်ဦး၏ အမြင်

Wednesday, 10 March 2010 12:11

ယနေ့ မြန်မာ့နိုင်ငံရေးအပေါ် စစ်မှုထမ်းဟောင်းတစ်ဦး၏ အမြင်

ဆောင်းပါးရှင် - သံကြိုး

စာဖတ်ပရိတ်သတ်များခင်ဗျား

ပင်တိုင်ဆောင်းပါးရှင် တပ်ကြပ်ကြီးတစ်ဦးဖြစ်တဲ့ သံကြိုးက “စည်းလုံးခြင်းရဲ့ အင်အား” ဝက်ဘ်ဆိုဒ်သို့ “ယနေ့ မြန်မာ့ နိုင်ငံရေးအပေါ် စစ်မှုထမ်းဟောင်းတစ်ဦး၏ အမြင်” ဆိုတဲ့ ဆောင်းပါးတစ်ပုဒ် ပေးပို့လာပါတယ်။ ဒီဆောင်းပါးမှာ ၂၀၁၀ ခုနှစ် ရွေးကောက်ပွဲ ဝင်သူများကို ဝေဖန်ထောက်ပြထားပုံ၊ ကမ္ဘာ့နိုင်ငံ အသီးသီး ဒီမိုကရေစီစနစ်ကို ပြောင်းလဲ သွားရာတွင် ပုံစံ (၃) မျိုးရှိပုံ၊ အဲ့ဒီပုံစံများနဲ့ မြန်မာ့နိုင်ငံရေး အခြေအနေ ဖြစ်စဉ်များကို နိ်ှုင်းယှဉ် သုံးသပ်ထားပုံများဟာ စာဖတ် ပရိတ်သတ်များကို ဗဟုသုတ ရရှိစေပါတယ်။ ယခုလို ပေးပို့တဲ့အတွက် ပင်တိုင်ဆောင်းပါးရှင် သံကြိုးအား ကျွန်တော် ကိုဖိုးတရုတ်က အထူးပင် ကျေးဇူးတင်ရှိပါကြောင်း မှတ်တမ်းတင် ဂုဏ်ပြုဖော်ပြအပ်ပါတယ်။

နိုင်ငံရေးဆိုသည် ဘာလဲဆိုတာက စရရင် ပြည်သူလူထုတစ်ရပ်လုံး၏ စားဝတ်နေရေး၊ လူမှုရေး လိုအပ်ချက်မှန်သမျှဟာ နိုင်ငံရေးဘဲ၊ နိုင်ငံရေးကို ဘယ်လိုလူတွေ ဦးဆောင်မလဲ။ ဒီနေရာမှာ အစိုးရ (Government) ရဲ့ အဓိပ္ပါယ် လိုလာတယ်။ အစိုးရဆိုတာ လူ့အဖွဲ့အစည်းရဲ့ ကြီးကြပ်ထိန်းကိုင်မှု၊ လူ့အဖွဲ့အစည်းမှာ လက်အောက်တင်ပြမှု မရှိတဲ့ အစိုးရရဲ့ အုပ်ချုပ်မှု ဟာ ယန္တရားဆန်တယ်။ ပြည်သူလူထု လိုအပ်ချက်ကို လိုက်လုပ်ပေးတဲ့ အစိုးရမျိုး ပြည်သူလူထုက လိုလားကြတယ်။ အစိုးရ ရဲ့ လိုအပ်ချက်ကို ပြည်သူလူထုက လိုက်လုပ်ပေးနေရတဲ့ အစိုးရမျိုးကို နားလည်သော ပြည်သူတွေက လိုက်မလုပ်ပေး နိုင်ဘူး။ မလိုလားကြဘူး။

လက်ရှိ မြန်မာနိုင်ငံကို အုပ်ချုပ်နေတာက သူတို့ပြောတော့ တပ်မတော်အစိုးရဘဲ၊ တကယ်က အာဏာရှင် စစ်အစိုးရဘဲ။ စတင် အာဏာယူစဉ်က ရဟန်းရှင်၊ ကျောင်းသား ပြည်သူတွေကို သတ်ဖြတ်ပြီး အကြောက်တရားနဲ့ တိုင်းပြည်ကို အုပ်ချုပ် တာ (၄၈) နှစ်ခန့် ကြာခဲ့ပြီ။ ယနေ့ နိုင်ငံရေးသမားတွေကလည်း အာဏာရှင်စနစ် ပြုတ်ကျရေး၊ ဒီမိုကရေစီ ရရှိရေး အော်နေ ကြတယ်။ အုပ်ချုပ်နေတဲ့ စစ်အစိုးရကလည်း လမ်းပြမြေပုံ (၇) ရပ် ချမှတ်ပြီး လုပ်နေတယ်။ အဆင့် (၅) တောင် ရောက်နေ ပြီး မကြာခင် ရွေးကောက်ပွဲ လုပ်တော့မယ်။ ရွေးကောက်ပွဲကို ဆန့်ကျင်တဲ့ လေသံတွေလည်း ကြားနေရတယ်။

နိုင်ငံတော်၏ အနာဂတ် ရေရှည်အကျိုးစီးပွားအား ရည်ရွယ်လျက် ကျင်းပနေပါသည်ဟု

စစ်အစိုးရမှ အကြိမ်ကြိမ် လိမ်လည်ခဲ့ခြင်းအား ၎င်းတို့၏ စစ်ခေါင်းဆောင်ကြီးများက

ငိုက်မြည်းလျက် ဤကဲ့သို့ သက်သေထူခဲ့သည်

ဦးသုဝေ၊ ဒေါ်သန်းသန်းနု၊ ချိုချိုကျော်ငြိမ်း၊ ဦးဘဆွေသမီး တို့ကလည်း ရွေးကောက်ပွဲ ၀င်ဖို့ တာစူနေပြီ။ ရွေးကောက်ပွဲကို ဆန့်ကျင်တဲ့ သူတွေလည်း ရှိတယ်။ ရှေ့တိုး ထမ်းပိုး နောက်ဆုတ်ရင် လှည်းကျိုး၊ ရွေးကောက်ပွဲ ၀င်မဲ့သူတွေက ပွဲလန့်တုံး ဖျာခင်းတာဖြစ်မယ်ဆိုပြီး ဟိုတလောက ရေဒီယိုမှာ ကြားလိုက်တယ်။ VOA ကလည်း စကားလွန်မယ်တဲ့။ နိုင်ငံရေးသမား တွေ ဆိုတာက ဖျာလွတ်ရင် ၀င်ထိုင်မှာဘဲ။ လှေကြုံတွေ့ရင် စီးမယ်။ အလှူတွေ့ရင် ၀င်စားမယ်။ အိုင်တွေ့လို့မှ မကူးတဲ့ ကျွဲက ကျွဲရူးဆိုတဲ့ လူမျိုးတွေ ရှိသလို၊ နောက်ကျိနေတဲ့ ရေမှာလည်း ကျွဲကတော့ ကူးမှာဘဲ။

တိုင်းပြည်အတွက် တကယ်အလုပ်လုပ်မဲ့ နိုင်ငံရေးသမား မှန်ရင်တော့ ရေနောက်ကို အရင်ဆုံး ကြည်အောင်လုပ်ပြီးမှ ခပ်ချိုးကြမယ်။ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေ ဆိုတဲ့ အိုင်ထဲမှာ ကျွဲတွေဘဲ လူးမယ်။ လွှတ်တော်ထဲရောက်ရင် ဘာမှပြောရမှာ မဟုတ်တဲ့ အခြေအနေနဲ့ ရွေးကောက်ပွဲ ၀င်ကြမယ်ဆိုရင်တော့ ပြည်သူတွေ နွံထဲနစ်ပြီးရင်း နစ်နေမှာ ဖြစ်တယ်။

သဘောထားရေးမယ် (0 ခု ရှိသည်။)

Last Updated on Wednesday, 10 March 2010 13:10 အပြည့်အစုံသို့

ပညာတော်သင်တဲ့လား… - အပိုင်း (၁)

Tuesday, 09 March 2010 12:51

ပညာတော်သင်တဲ့လား… - အပိုင်း (၁)

ဆောင်းပါးရှင် - မြန်မာပြည်သား (ရုရှားရောက် မြန်မာပညာတော်သင်တစ်ဦး)

စာဖတ်ပရိသတ်များခင်ဗျား

ရုရှားနိုင်ငံရောက် မြန်မာပညာတော်သင်တစ်ဦးက “ပညာတော်သင်တဲ့လား” ဆိုတဲ့ ဆောင်းပါးတစ်ပုဒ်ကို စည်းလုံးခြင်းရဲ့ အင်အား ဝက်ဘ်ဆိုဒ်သို့ ဆက်သွယ်ပြီး ပေးပို့လာပါ တယ်။ ဒီဆောင်းပါးမှာ နိုင်ငံတော်အကြီးအကဲတွေဟာ နျူးကလီးယား အတွက် ရုရှားနိုင်ငံကို ပညာတော်သင် (စစ်ဗိုလ်) အများအပြားအား နိုင်ငံခြားငွေတွေ အမြောက်အများ အကုန်အကျခံပြီး (၁၀) နှစ်စာချုပ် ချုပ်ကာ DSA အပတ်စဉ် (၅၀) အထိ စေလွှတ်ခဲ့ပုံ၊ ၂၀၀၈ ခုနှစ်မှာ အရပ်ဘက် ပညာတော်သင်တွေကိုပါ ရွေးချယ်ပြီး သိပ္ပံနဲ့နည်းပညာ ၀န်ကြီးဌာနက ကထိက ဆရာများနဲ့ အဆင်မြင့်ပညာဦးစီးဌာနက နည်းပြ သရုပ်ပြ ဆရာ တွေကိုပါမကျန် အယောက် (၂၀၀) နီးပါး ရွေးချယ်စေလွှတ်ခဲ့ပုံ၊ ရုရှားနိုင်ငံမှ ပြန်ရင် ဘာဆက်လုပ်ရမည်မှန်း မသိသလို သက်ဆိုင်ရာ တက္ကသိုလ် ကောလိပ်များမှာ ပြန်လည် တာဝန်ထမ်းဆောင်ရမယ် ဆိုရင်လည်း ဘယ်ဌာနတွင် နေရမယ်မှန်း မသိဖြစ်နေကြပုံ၊ ရုရှားနိုင်ငံရှိ တချို့တက္ကသိုလ်များမှာဆိုလျှင် နိုင်ငံခြားငွေရဖို့ အဓိကထားပြီး ကျောင်းကို တစ်ပါတ် ၃ ရက် လောက် သွားတက်ရုံမျှနဲ့ပင် ဘွဲ့ပေးနေပုံ၊ မြန်မာနိုင်ငံကို ကောင်းစေ ချင်ရင်၊ ပညာကိုတကယ်လိုအပ်ရင် မြှောက်စားလိုရင် တော့ တကယ့်ပညာရမယ့် တိုင်းပြည်တွေကိုသာ စေလွှတ်သင့်ပုံ၊ တနည်း မြန်မာပြည်တွင်းမှာဘဲ မြန်မာ့ပညာရေး အတွက် ရုရှားမှာကုန်ကျမဲ့ စရိတ်တွေအား အသုံးပြုစေချင်ပုံတွေကို သုံးသပ် တင်ပြထားပါတယ်။ ယခုလို ပေးပို့လာတဲ့အတွက် ဆောင်းပါးရှင် ရုရှားရောက် မြန်မာပညာတော်သင် မိတ်ဆွေအား ကျွန်တော် ကိုဖိုးတရုတ်က အထူးကျေးဇူးတင်ရှိပါကြောင်း နဲ့ စည်းလုံးခြင်းရဲ့အင်အား ဝက်ဘ်ဆိုဒ် ပင်တိုင်ဆောင်းပါးရှင်အဖြစ် ဆက်လက် ရေးသားပေးပို့နိုင်ရန် တိုက်တွန်းရင်း တင်ပြ လိုက်ပါတယ်။

၂၀၀၉ ခုနှစ်အတွက် “အကောင်းဆုံး နိုင်ငံအကျိုးပြု သတင်းနဲ့စာပေဆု” ကို ရရှိခဲ့တယ်သိရလို့ စည်းလုံးခြင်းရဲ့ အင်အား ဝက်ဘ်ဆိုဒ် တည်ထောင်ခဲ့သူ ကိုဖိုးတရုတ်နဲ့အတူ ထပ်တူထပ်မျှ ၀မ်းသာဂုဏ်ယူမိပါတယ်။ သူငယ်ချင်းအနေနဲ့ နိုင်ငံကို ဖွံ့ဖြိုးတိုးတက်ဖို့အတွက် ရင်တွင်းဖြစ် ဆောင်ပါးများ၊ ရင်တွင်း ခံစားချက် သတင်းအမှန်များဖြင့် ကြိုးစားခဲ့တာ ဖြစ်သလို ကျွန်တော်တို့ အနေနဲ့ကလည်း နိုင်ငံကောင်းစားဖို့အတွက် အလိုရှိသူတွေဖြစ်ပါတယ်။ ကျနော့်အနေနဲ့ နိုင်ငံရေးကို ကောင်း ကောင်း နားမလည်ပါ။ ဘယ်သူတွေ အုပ်ချုပ်စေချင်ပါတယ် ဘာတွေပြောင်းလဲ စေချင်ပါတယ်လို့လည်း မပြောတတ်ပါ။

ရုရှားရောက် ပညာတော်သင်များ မိန်းကလေးဝတ်စုံဖြင့် ကခုန်နေပုံ

ကျနော်သိတာက ကျနော်တို့ နိုင်ငံဟာ ကမ္ဘာ့နိုင်ငံတွေအလယ်ကို မပြောနဲ့ အရှေ့တောင်အာရှမှာကို နိမ့်ပါးနေခဲ့ရပါပြီ။ ကျနော်တို့ အားလုံး ၀ိုင်းဝန်းကြိုးစားကြရမှာ ဖြစ်ပါတယ်။ ကြိုးလည်း ကြိုးစားချင်ကြပါတယ်။ ဒါပေမယ့် အဲလို ကြိုးစားခွင့် ကိုပဲ ရရှိအောင် အမျိုးမျိုးသော ဖိနှိပ်မှုတွေကြားကနေ စွမ်းနိုင်သလောက်လေး သန်မာပြနေကြရတယ် မဟုတ် ပါလား။

သဘောထားရေးမယ် (16 ခု ရှိသည်။)

Last Updated on Wednesday, 10 March 2010 00:42 အပြည့်အစုံသို့

သိုးထိန်းရဲ့ ဘ၀ကောက်ကြောင်း တစ်စိတ်တစ်ဒေသ - အပိုင်း(၂)

Monday, 08 March 2010 12:20

သိုးထိန်းရဲ့ ဘ၀ကောက်ကြောင်း တစ်စိတ်တစ်ဒေသ - အပိုင်း(၂)

ဆောင်းပါးရှင် - သိုးထိန်း

အပိုင်း (၁) ကို ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။

အဲဒီပုဂ္ဂိုလ်များ (ယာဉ်တိုက်မှုကို ကြည့်ဖို့လာနေတဲ့ ပုလိပ် ၂ ယောက်) အား အားကိုးတကြီးနဲ့ ကျွန်တော်က အမောတကော ပြောလိုက်ရပါတယ်…

“အကိုတို့ လုပ်စမ်းပါဦး၊ ကျွန်တော့်ဘက်က လမ်းကြောင်းအမှန်ကြီးကို ဖြတ်တိုက်သွားတယ်” ဆိုပြီး ပိန်ရှုံ့နေပြီဖြစ်တဲ့ ကျွန်တော့်ကားတံခါးကို ပြန်ဖွင့်လိုက်မိတာပေါ့။ အဲဒီမှာ သကောင့်သား နှစ်ကောင်က ဘာပြောသလဲဆိုတော့……

“ညီလေးကားကို ဖြူနီကြားမှာ ရပ်လို့မရဘူး၊ မင်းရဲ့ လိုင်စင် ပေး” တဲ့။

“ဘုရား၊ ဘုရား”

ဒီလောက်ထူပူနေတာ ဖြူနီကြားမှန်း ဘာမှန်း ဘယ်သိပါ့မလဲ၊ ပိုဆိုးတာက ကျွန်တော့်မှာ ယာဉ်မောင်း လိုင်စင် မရှိခြင်းပင်။ မရှိဆို ကျွန်တော့် အသက်က (၁၇) နှစ်ကျော်ရုံသာ ရှိမည်။ (၁၃) နှစ်သားထဲက ကားကို မြို့ပတ်မောင်းနေတာ ဘာ ယာဉ်တိုက်မှုမှ မဖြစ်သလို တခါတလေ ကိုယ့်ကိုကိုယ် ယာဉ်မောင်းလိုင်စင် ရှိမှ မောင်းလို့ရတာကို မေ့နေသည်။ ဒါကို ရိပ်မိ သွားတဲ့ ပုလိပ်က -

“မင်းတို့က လိုင်စင်မရှိဘဲ မောင်းချင်တာကိုးကွ” ဆိုပြီး ကားလိုင်စင်တွေ၊ သော့တွေကို သိမ်းကာ ကားနံပါတ် မှတ်လိုမှတ်၊ အတိုက်ခံရတဲ့ ကားကိုဘဲ အမှုစစ်တော့မယ့် ပုံစံမျိုး။ ပြီးမှ -

“ပိန်တာလောက်တော့ ပြင်လိုက်ပေါ့ကွာ၊ မင်းကို တိုက်သွားတဲ့ကားမှာ ဗိုလ်မှူးချုပ် အေးမြင့်ကြူ ပါတယ်ကွ၊ ရုံးရောက် ဂတ်ရောက်ဆို မင်းနာသွားမယ်” တဲ့။

အမျိုးသား ညီလာခံ စီမံခန့်ခွဲမှုကော်မတီ အစည်းအဝေးတွင်

ဗိုလ်အေးမြင့်ကြူအား တွေ့ရစဉ် (ညာအစွန်)

ကျွန်တော် ဘာပြောနိုင်ပါတော့မှာလဲ။ ဒါနဲ့ ကျွန်တော်လည်း “ဘာမှ မဖြစ်ရင် ပြီးတာဘဲ ထပ်လဲ မပြောတော့ပါဘူး” လို့ ပြောပြီး ခုနက သိမ်းထားတဲ့ ကားလိုင်စင်တွေ၊ သော့တွေ ပုလိပ်တွေ ယူထားတာကို ကားပေါ်တက် မောင်းမယ်လုပ်ပြီးမှ သွားယူဖို့ သတိရပါတော့တယ်။ ဟိုဘက်ခြမ်းက ဒင်းတို့ကို ဖွင့်ပြမိတဲ့ ကားတံခါးကို ပြန်မပိတ်ရသေးဘူး။ ကျွန်တော် တော်တော် စိတ်ညစ်သွားပါတယ်။ ဒီကောင်တွေရှေ့မှာ ကြာကြာနေလို့မကောင်း။ တော်ကြာ ဆက်ရစ်နေမှ အခက်။

သဘောထားရေးမယ် (2 ခုရှိသည်။)

Last Updated on Monday, 08 March 2010 13:40 အပြည့်အစုံသို့

အရပ်ဘက် စစ်ဘက်ဆက်ဆံရေးနှင့် ဒီမိုကရေစီ - အပိုင်း (၂၃)

Sunday, 07 March 2010 12:29

အရပ်ဘက် စစ်ဘက်ဆက်ဆံရေးနှင့် ဒီမိုကရေစီ - အပိုင်း (၂၃)

ဆောင်းပါးရှင် - ကိုကျော်ထင်

အပိုင်း (၂၂) ကို ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။

အရပ်သား သြဇာအာဏာ ကျယ်ပြန့်လာနေသည့် ပုံစံအမျိုးမျိုးတွင် ပို၍များပြားလာသော ပွင့်လင်းမြင်သာမှု (transparency)၊ ဒူးမား (Duma) လွှတ်တော်၏ ကြီးကြပ်မှု၊ စစ်ဘက်နှင့် ပတ်သက်သော မူဝါဒရေးရာများအပေါ်၌ လူထုနှင့် ဥပဒေပြုမှု ကဏ္ဍ၏ ငြင်းခုံဆွေးနွေးမှု (debate)၊ စစ်ဦးစီးရေးရာ ဘောင်အလွန်၌ရှိနေသော စစ်ဘက်ဆိုင်ရာ အထူး ကျွမ်းကျင်မှုများ ပျံ့နှံ့မှု စသည့်ပုံစံများဖြင့် ဖြစ်ပေသည်။ မည်သို့ပင်ဖြစ်စေ ယနေ့ကာလတွင် ရုရှားတွင် တည်ရှိနေသော အရပ်ဘက် ထိန်းချုပ်မှုယန္တရား (civilian control mechanism) သည် ဆိုဗီယက်ယူနီယံခေတ်က တည်ရှိခဲ့သော ယင်းအရာ များထက် ပို၍ကောင်းမွန်သောပုံစံတွင် တည်ရှိနေသည်ဆိုသည်ကို ငြင်းချက်ထုတ်ရန် ခက်ပေလိမ့်မည်။

ဒီမိုကရေစီနိုင်ငံ အသစ်များတွင် အရပ်ဘက်-စစ်ဘက်ဆက်ဆံရေးတွင် သက်ရောက် ဖြစ်ပေါ်နေသော အထွေထွေပြဿနာ (၄) ရပ်ကို ကျွန်ုပ်အနေဖြင့် ရည်ညွှန်း၍ အတိုချုပ် ပြောဆိုပါရစေ။ ယင်းအရာများမှာ နိုင်ငံရေးတွင် စစ်ဘက်၏ ပါဝင်စွက် ဖက်မှု၊ တင်ကူးတည်ရှိနေသော စစ်ဘက်အခွင့်ထူးခံများ၊ အခန်းကဏ္ဍနှင့် ရည်မှန်းချက်များ အဓိပ္ပါယ် ဖွင့်ဆိုခြင်း၊ စစ်ဘက် ဆိုင်ရာ နည်းပညာအသစ်များ ပျံ့နှံ့မှုနှင့် ဖွံ့ဖြိုးတိုးတက်မှု စသည်တို့ ဖြစ်ပေသည်။

ဖိလစ်ပိုင် သမ္မတ ဂလိုရီယာ အာရိုယို

ပထမဦးစွာအနေဖြင့် ကျနော်၏ ရေတွက်ထားမှုအရ ပြောရလျှင် ဒီမိုကရက်တစ် အစိုးရအသစ်များအား ဆန့်ကျင်ဖြစ်ပွား နေသော အာဏာသ်ိမ်းရန် ကြိုးပမ်းမှု (Coup attempts) ပေါင်း ၃ဝ မှ ၄ဝ ခန့်အကြား ဖြစ်ပွားခဲ့ပြီဖြစ်သည်။ အာဂျင်တီးနား၊ ဖိလစ်ပိုင်၊ စပိန်နှင့် ဂရိ ကဲ့သို့သော အချို့နိုင်ငံများတွင် အာဏာသိမ်းရန်ကြိုးပမ်းမှု အကြိမ်များစွာ ဖြစ်ပျက်ခဲ့ပြီး ဖြစ်သည်။ ချွင်းချက်အနည်းငယ်အနေဖြင့် ဖြစ်ပွားခဲ့သည့် အာဏာသိမ်းရန် ကြိုးပမ်းခြင်း ကျရှူံးမှုများ နိုက်ဂျီးရီးယား၊ ဆူဒန်နှင့် ဟေတီ နိုင်ငံများတွင် သတိပြုစရာ အကောင်းဆုံး ဖြစ်ပွားခဲ့ခြင်းပင် ဖြစ်သည်။

ယင်းကဲ့သို့ ဖြစ်ပွားခဲ့ခြင်းအတွက် စိတ်ဝင်စားစရာ အကောင်းဆုံးမေးခွန်းမှာ “ဘာကြောင့်လဲ” ဟူသည်ပင် ဖြစ်သည်။ ကွဲအက်လွယ်သော အခြေအနေ အတိုင်းအတာ တစ်စုံတရာရှိ သည့်အပြင် တည်ငြိမ်နိုင်စွမ်းလည်း မရှိသော အစိုးရအသစ် များအား ကောင်းစွာ ဖွဲ့စည်းတည်ထောင်ထားသော လက်နက်ကိုင်တပ်ဖွဲ့များက စိန်ခေါ်သော်လည်း အဘယ်ကြောင့် ၎င်းတို့ ရှူံးနိမ့်ရသနည်း။

ဤမေးခွန်းအတွက် အဖြေမှာ ဤနိုင်ငံတစ်ခုစီ၏ စီးပွားရေး တိုးတက်မှု အနေအထားနှင့် ခေတ်မီမှုအပေါ်တွင် အခြေခံ အားဖြင့် တည်မှီပေသည်။ ၁၉၅ဝ ခု လွန်နှစ်များမှ ၁၉၇ဝ လွန် အစောပိုင်း နှစ်များအတွင်း ဖြတ်သန်းဖြစ်ပေါ်ခဲ့သော စီးပွားရေး ဖွံ့ဖြိုးတိုးတက်မှုဖြစ်စဉ်က ၁၉၇ဝ ကျော် အလယ်ပိုင်း နှစ်များအတွင်း ဖြစ်ပွားလာသော ဒီမိုကရေစီ စတင် ဖြစ်ပေါ်မှုများသို့ ဦးတည်သည့် အခြေခံများကို ချမှတ်ပေးခဲ့သည်။

သဘောထားရေးမယ် (0 ခု ရှိသည်။)

Last Updated on Sunday, 07 March 2010 19:15 အပြည့်အစုံသို့