K.I.A စစ်သည်များ
ကချင်လွတ်လပ်ရေးတပ်မတော် K.I.A တပ်မဟာ(၄)အား စစ်တပ်ဘက်မှ နေ့ညမပျက် လက်နက်ကြီးများဖြင့် ဆက်တိုက်ပစ်ခတ်ခဲ့ရာ စက်တင်ဘာ (၂၉) ရက်နေ့တွင် စစ်တပ်က ၁၂၀-မမ စိန်ပြောင်းကြီးအမြောက်ဖြင့် K.I.A တပ်မဟာ(၄)ကို ပစ်ခတ်နေစဉ် အဲဒီအမြောက် ရုတ်တရက် ထပေါက်ကွဲသွားခဲ့သောကြောင့် စစ်သည်(၁၀)ဦး ကျဆုံးကာ (၅၀) ခန့် ဒဏ်ရာရှိခဲ့ကြောင်း K.I.A ရှေ့တန်းစစ်သည်များနဲ့ နီးစပ်သူမျာက သတင်းပေးပို့လာပါတယ်။
K.I.A နှင့် စစ်အစိုးရအကြား ယခုချိန်တွင် ကချင်ပြည်နယ် နေရာအနံ့နှင့် ရှမ်းပြည်နယ် မြောက်ပိုင်းတို့တွင် အဆက်မပြက် တိုက်ပွဲများ နေ့တိုင်းဖြစ်ပွားလျက် ရှိပါတယ်။ ထို့ကြောင့် ကက(ကြည်း)သို့ တင်ပြတဲ့ အစီရင်စာမှာ ရှမ်းပြည်နယ်မြောက်ပိုင်တွင် ဖြစ်ပွားခဲ့နေတဲ့ တိုက်ပွဲများအတွင်း စစ်တပ်ဘက်မှ (၄၂၇) ဦး ကျဆုံး သွားပြီး ထိခိုက်ဒဏ်ရာရရှိမှုမှာ (၁၀၀၀) ဝန်းကျင်ခန့် ရှိသွားပြီဖြစ်ကြောင်း စစ်ရုံးနဲ့ နီးစပ်သူများရဲ့ သတင်းပေးပို့ချက်အရ စုံစမ်း သိရှိရပါတယ်။
| < Prev | Next > |
|---|