VOA မြန်မာပိုင်း “တပ်မှူးတပ်သား ပြောစကား” အစီအစဉ် (၁၁)
လေတပ်သားတစ်ဦး၏ ဘ၀ကောက်ကြောင်း အပိုင်း - (၂)
ဆောင်းပါးရှင် - မြင့်မိုရ်
ဦးရော်နီညိမ်း။ ။ လူကုန်ကူး ခံရသလိုလိုနဲ့ လေတပ်သား ဖြစ်လာခဲ့ရတဲ့ ဆောင်းပါးရှင် မြင့်မိုရ်ဟာ ပျဉ်းမနား - မိုးညိုက တပ်သားသစ်တွေအတွက် လေ့ကျင့်ရေးတပ်မှာ အခြေခံ စစ်ပညာတွေ ပထမဆုံး သင်ယူခဲ့ရ ပါတယ်။ အဲ့ဒီကနေ လေတပ်ရဲ့ မိတ္ထီလာ “မြေပြင် အတတ်သင် လေတပ်စခန်း” ထဲက စက်မှုလက်မှု အတတ်သင်ကျောင်း (စလက) မှာ သင်တန်း ဆက်တက်ခဲ့ရ ပါတယ်။ (စလက) မှာ သင်တန်း ပြီးသွားတော့ တပ်မတော် (လေ) လက်အောက်ခံ ဘယ်ဒေသက လေတပ် စခန်းတွေမှာ တာဝန်ကျမယ် ဆိုတာ စောင့်ဆိုင်းနေရတဲ့ ကာလအတွင်းမှာ တပ်ထဲကနေ ထွက်ပြေးသူတွေ ရှိနေတဲ့ အကြောင်းတွေ အပါအ၀င် သူ့ရဲ့ အတွေ့ အကြုံတွေကို ပြီးခဲ့တဲ့ မေလ (၃၀) ရက် တနင်္ဂနွေနေ့ “တပ်မှူးတပ်သား ပြောစကား”အပတ်စဉ်ကဏ္ဍ၊ “လေတပ်သား တစ်ဦး၏ ဘ၀ကောက်ကြောင်း - အပိုင်း(၁)” မှာ ထုတ်လွှင့် ခဲ့ပြီးဖြစ် ပါတယ်။ အခုတခါတော့၊ “စည်းလုံးခြင်းရဲ့အင်အား” internet website ပေါ်က ဆောင်းပါးရှင် မြင့်မိုရ်ရဲ့ ဆောင်းပါးတွေကို အခြေခံပြီး “လေတပ်သား တစ်ဦး၏ ဘ၀ကောက်ကြောင်း - အပိုင်း (၂) ” ကို ဒီသီ တင်းပတ်မှာ တင်ဆက်လိုက် ပါတယ်။ ဗီအိုအေ ၀ိုင်းတော်သား ကိုရန်နိုင်က လေတပ်သား တစ်ဦးအဖြစ် ပါဝင်အားဖြည့် ကူညီ ထားပါတယ် ခင်ဗျာ။
လေတပ်သားတစ်ဦး။ ။ အဲဒီလို မိခင်ကျောင်းတော်ကြီး (စလက) ကို သံချောင်း မခေါက် နှုတ်မဆက်ပဲ ကသုတ် ကရက်နဲ့ ရုတ်တရက် ထွက်ခွာ တပ်ပြေးအဖြစ် ဘ၀တပါးကို ပြောင်းရွှေ့သွားသူ တစ်ယောက်ရှိ လာတိုင်း (စလက) တပ်မှူး အဆက်ဆက်ဟာ တပ်ပြေး ရဲဘော် တစ်ယောက်စီရဲ့ ပြန်မရတော့တဲ့ စစ်ဝတ်စုံ အတွက် အပြင်က စစ်ပစ္စည်း မှောင်ခိုဈေးကနေ ပြန်ဝယ် ထည့်ကြရ ပါတယ်။ ကာလပေါက်ဈေး အနည်းဆုံး ကျပ်နှစ်သောင်းစီနဲ့ အစားဝယ်ပြီး တပ်ထောက်ဌာနကို အလျော်ပေး နေကြရ ပါတယ်။ ကိုယ့်အိတ်ထဲ ကတော့ စိုက်လျော် ကြရတာတော့ မဟုတ် ပါဘူး။ အဲဒီလို အလျော်အစား ကိစ္စတွေထဲမှာ ဈေးအကြီးဆုံးက တပ်သားသစ်ရဲ့ တန်ဘိုးပါ။
လေတပ်ရဲ့ တပ်တွေဟာ သတ်မှတ် ပေးထားတဲ့ ခွဲတမ်းအရ တစ်လကို တပ်သားသစ် (၁၀) ယောက်နှုန်းစု ဆောင်းပြီးကြောင်း ကကလေ (ခေါ်) ကာကွယ် ရေးဦးစီးချုပ် (လေ) ရဲ့ရုံးကို လစဉ် တပ်သားသစ် စာရင်း ပို့ရပါတယ်။ ဒီခွဲတမ်း အတိုင်း တပ်သားသစ် ရှာမရရင် ဒဏ်ကြေးအဖြစ် တပ်သားသစ် တစ်ယောက်စာကို ကျပ်တစ်သိန်း နှုန်းနဲ့ တပ်တွေက ပေးလျှော်ကြရ ပါတယ်။ တစ်လလုံး တစ်ယောက်မှ မစုနိုင်ရင် ကက (လေ) ကို ကျပ် (၁ဝ) သိန်း ဒဏ်ကြေး ပေးသွင်းပေတော့ပဲ။ ကျနော်ဟာ ဒီနည်းနဲ့ လေတပ်မှာ၊ “ကျပ်တစ်သိန်းတန် တပ်မတော်သားကြီး” ဖြစ်လာခဲ့တာပါ။ ဒီနည်းနဲ့တောင် တပ်သားသစ် လိုက်ဆွဲလို့ မရကြဘူးဆိုရင်တော့ နားအေးပါးအေး ဒဏ်ကြေးပဲ သွင်းလိုက်ကြတာပေါ့ ဆိုပြီး တရားမ၀င် လေယာဉ်ဆီ ရောင်းရငွေတွေကို ရှယ်ယာ မခွဲကြပဲ တပ်မှူးတွေ အုပ်မှူးတွေနဲ့ စခန်းမှူးတွေ အချင်းချင်း ညှိပြီး ကက (လေ) ကို တစ်တပ်ကို တစ်လအတွက် ကျပ် (၁၀) သိန်းစီ ပို့တဲ့အလုပ်ပဲ လုပ်ကြည့်ခဲ့ကြပါ သေးတယ်။
လေချုပ်ကြီး မြတ်ဟိန်း (စိန်မျက်ခုံး) နဲ့ Chinese President Hu Jintao
ဒါပေမဲ့ ကျနော်တို့ လေတပ်မှာ “စိန်မျက်ခုံး” လို့ ချစ်စနိုးခေါ်ကြတဲ့ တပ်မတော် (လေ) ချုပ် စနေသား ဦးမြတ်ဟိန်းရဲ့ နှစ်ပြားမတန်အောင် ဆူပူကြိမ်းမောင်းတာ ခံကြရတာကြောင့် တပ်မှူးတွေ၊ အုပ်မှူးတွေနဲ့ စခန်းမှူးတွေဟာ တစ်လကို အနည်းဆုံး တပ်သား သစ်တစ်ယောက်ကိုတော့ မရ ရတဲ့နည်းနဲ့ ကျနော့်လို “တစ်သိန်းတန်တပ်သားသစ်” တွေ စုဆောင်းနေကြရပါတယ်။
“မြေပြင်အတတ်သင် လေတပ်စခန်း” က အမှတ်တရတစ်ခုကို ဘယ်တော့မှ မမေ့နိုင်တာက ကျနော်တို့ သင်တန်းသားတွေ စခန်းလုံခြုံရေးအတွက် ကင်းတာဝန် ကျတုံးကပါ။ နိုင်ငံခြားစစ်ကားတွေထဲမှာ တပ်တွေရဲ့ အဝင်ဂိတ်တွေမှာ စနစ်တကျ စစ်ဆေးနေတာတွေ၊ မသင်္ကာဖွယ် ထွက်ပြေးတဲ့လူတွေတွေ့ရင် ပစ်ကြ ခတ်ကြတာတွေကို မြင်ဘူးနေလို့ တပ်အ၀င်ဂိတ်ကို စပြီး ကင်းစောင့်ရတဲ့နေ့က ကျနော်ဟာ အရမ်းကို တက်ကြွ နေခဲ့ပါတယ်။ ဒါပေမဲ့ တကယ်တမ်းမှာ လေတပ်စခန်းလုံခြုံရေး ကင်းစောင့်စစ်သည်ဟာ သေနတ် လုံးဝကိုင်ခွင့် မရပဲ ကင်းစောင့်ကြရတာပါ။
နိုင်ငံခြားစစ်ကားထဲကလို ဂိတ်မှာ စစ်ဆေးဖို့ မဆိုထားနဲ့ တစ်နေ့မှာ ဆိုင်ကယ်စီးလာတဲ့ အမျိုးသမီး တစ်ယောက်ကို စစ်ဆေးတာတောင် အဆင်မပြေခဲ့ပါဘူး။ သူက ဆိုင်ကယ်ဦးထုပ်လည်း မဆောင်း အင်္ကျီ လည်ဟိုက် ဘောင်းဘီဖင်ကြပ်နဲ့ ဆံပင်တွေကလည်း ဆေးဆိုးထားတဲ့ အရောင်တွေနဲ့မို့ “ဘယ်သွားမလို့လဲ ဘယ်က လာတာလဲ”လို့ မေးလိုက်တာမှာ ဒီအမျိုးသမီးက အရာရှိကတော် ဖြစ်နေလို့ “ငါ့တောင် မသိဘူးလား ဟဲ့” ဆိုပြီး ကျနော် ပါးရိုက်ခံလိုက်ရပါတယ်။ အဲဒီက စပြီး တပ်အ၀င်ဂိတ်မှာ ကင်းစောင့်ရပြီဆိုရင် ဘယ်သူ လာလာ တံခါးမောင်းတံကို ဖွင့်တဲ့ပိတ်တဲ့ အလုပ်ကိုပဲ လုပ်ပါတော့တယ်။
ဒီလိုနဲ့ သင်တန်းဆင်းသူတွေ တာဝန်ကျရာ တပ်အသီးသီးကို သွားရမဲ့ တပ်မတော်မှတ်တမ်းရုံးက အပိုင်း (၂) အမိန့်ထွက်လာတော့ ကျနော် ကံကောင်းပြီး တပ်မတော် (လေ) ရဲ့ နေချင်စရာအကောင်းဆုံးလို့ ဆိုကြတဲ့ မိတ္ထီလာ ရှမ်းတဲ (လကသ F - 7) ကြားဖြတ် တိုက်လေယာဉ်အုပ်ကို ရောက်ပါတယ်။ လေတပ်သင်္ချိုင်းလို့ ခေါ်ကြတဲ့ လျှပ်စစ်မီးမရှိ ရေရှားလှတဲ့ ဝေးလံခေါင်ဖျား (ဟလခ) ခေါ် ဟုမ္မလင်းနဲ့ (မလခ) ခေါ် (ဘိတ်) က လေတပ်စခန်းဌာနချုပ် အသစ်နှစ်ခုကတော့ ဘယ်သူမှ မသွားချင်ကြတဲ့ နေရာတွေပါ။ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး သန်းရွှေက မြေပုံပေါ်မှာတွေ့တဲ့ ဒုတိယကမ္ဘာစစ် လက်ကျန် လေယာဉ်ပြေးလမ်းတို ရှိတဲ့နေရာတွေကိုပါ လေတပ်စခန်းဌာနချုပ်တွေ လိုက်ဖွင့်ခိုင်းနေလို့ ကျနော်တို့ တပ်မတော် (လေ) ချုပ်က စိတ်ညစ်ညစ်နဲ့ လိုက်လုပ်နေရတယ်လို့ စီနီယာတွေဆီက ကြားဘူးပါတယ်။
ဟုမ္မလင်းလေတပ်စခန်းဟာ ဖွင့်ခဲ့တာ (၆) နှစ်ကျော်လာခဲ့ပေမဲ့ ခုထိ လျှပ်စစ်မီးမရှိတာကြောင့် ကြိုးလိုင်း တယ်လီဖုံးစနစ်မရှိပဲ ကက (လေ) နဲ့ ဂြိုလ်တုဖုံးနဲ့ပဲ ဆက်သွယ်နေရပြီးတော့ လေတပ်စခန်းဆိုပေမဲ့ Bell - ၂၀၅ ရဟတ်ယာဉ်နှစ်စီးကိုပဲ ဟန်ပြထား ထားပါတယ်။ တပ်မတော် (လေ) ချုပ်ဟာလည်း စခန်းထဲမှာ ဆင်ရိုင်းတွေပါ ၀င်ထွက်ကျက်စားနေကြတဲ့ ဒီလေတပ်စခန်းဆီကို (၆) နှစ်အတွင်းမှာ တစ်နာရီ ခရီးစဉ်အဖြစ် မျက်နှာပူပူနဲ့ တစ်ခေါက်ပဲ ရောက်လာဘူးတယ်လို့ စီနီယာတွေက ပြောကြပါတယ်။
မြန်မာပြည် တောင်ဘက်အစွန်မှာ စစ်သဘောအရ ထားသင့်လို့ထားတယ်ဆိုတဲ့ (မလခ) ခေါ် ဘိတ်လေတပ် စခန်းမှာ လျှပ်စစ်မီးကတော့ မထားသင့်လို့ ခုထိ မထားသေးတာလားလို့ မေးစရာဖြစ်နေပါတယ်။ မြန်မာပြည် မြောက်ဘက်အစွန်က (နလခ) ခေါ် မြစ်ကြီးနား လေတပ်စခန်းဌာနချုပ်ဟာလည်း ထူးမခြားနားပါ။ လေသူရဲတွေကို မွေးထုတ်ပေးနေတဲ့ လေယာဉ်မောင်းသင်ကျောင်းကို မိတ္ထီလာကနေ မြစ်ကြီးနားကို ရွှေ့ပြီး အသံထက်မြန်တဲ့ အမ် (မ်) အိုင်ဂျီ (၂၉) တိုက်လေယာဉ်တွေပါ ပို့ထားခဲ့တာ (၄) နှစ်လောက်ရှိနေပါပြီ။ အရာရှိတွေရော စစ်သည်တွေပါ ရေနဲ့ လျှပ်စစ်မီးအခြေအနေတွေကို ကိုယ့်နည်းကိုယ့်ဟန်နဲ့ ဖန်တီး နေကြရပါတယ်။ ရာသီဥတုဆိုးတဲ့ မြစ်ကြီးနားနဲ့ အမောင်းသင်ဆဲ လေသူရဲလောင်းတွေနဲ့ ဘယ်လိုမှ မအပ်စပ်လို့ ပီတီ (၆) အမောင်းသင်လေယာဉ်တွေ ခဏခဏ ပျက်ကျကြပြီး လေသူရဲလောင်း အရာရှိငယ်တွေ လေသူရဲတောင်ပံ ရင်ဘတ်မှာ မတပ်ရသေးခင် သေဆုံးရပေါင်းလည်း များနေပါပြီ။ နလခရဲ့ မိသားစုတွေ အားထားရာ မြစ်ဆုံက မြစ်ရေဟာလည်း ဗိုလ်ချုပ်မှူးကြီး အားထားနေတဲ့ မြစ်ဆုံစီမံကိန်းကြောင့် နောက်ကျိပြီး ရေနီတွေပဲ ထွက်နေပါပြီ။ တခြား လေတပ်စခန်း အသစ်တွေဖြစ်ကြတဲ့ ပုသိမ်လေတပ်စခန်းဌာနချုပ် (ပလခ) နဲ့ မကွေးလေတပ်စခန်းဌာနချုပ် (ကလခ) တို့ကတော့ ကျောထောက် နောက်ခံမြို့တွေက အခြေအနေမဆိုးလို့ လေတပ်အရာရှိ၊ စစ်သည်တွေအတွက် အတော်အသင့် အဆင်ပြေတယ် ဆိုတာတောင် လျှပ်စစ်မီး ပျက်တာကတော့ ကျန်တဲ့ လေတပ် စခန်းဌာနချုပ်တွေနဲ့ သူမသာ ကိုယ်မသာပါပဲ။
(စလက) မှာတုံးက သင်တန်းလာပေးတဲ့ ဗိုလ်ကြီးတစ်ယောက်ရဲ့ သြ၀ါဒကို ကျနော် မှတ်မိနေတာ တစ်ခုရှိပါတယ်။ “မင်းတို့ မြေပြင်အတတ်သင် လေတပ်စခန်းက အရာရှိ၊ စစ်သည်တွေဟာ မင်းတို့ဆီက ရဟတ်ယာဉ်တွေလိုပဲ နှေးနှေးကွေးကွေးနဲ့ ပြောင်ပြောင်လက်လက် မရှိကြဘူး။ ကြားဖြတ်တိုက်လေယာဉ် အုပ်နဲ့ကတော့ ကွာပါ့ကွာ။ ဟိုက သူတို့ရဲ့ တိုက်လေယာဉ်တွေလိုပဲ သွက်သွက်လက်လက်နဲ့ တောက်တောက်ပပ ရှိကြတယ်။ အေးလေ ဆီစားနှုန်းချင်းမှ မတူကြပဲကွာ” ဆိုပြီး ပြောဘူးပါတယ်။
အဲ့ဒီတုန်းက သူ ဘာဆိုလိုမှန်း မသိခဲ့ရပါဘူး။ အခု ကျနော်ကိုယ်တိုင် ကြားဖြတ်တိုက် လေယာဉ်အုပ် (လကသ) ကို ရောက်မှ သဘောပေါက်သွားခဲ့ပါတယ်။ ဆီစားနှုန်းများတဲ့ တိုက်လေယာဉ်တွေက ရဟတ်ယာဉ်တွေထက် လေယာဉ်ဆီ တရားမ၀င် ရောင်းတဲ့နှုန်းကလည်း ပိုပြီး မြင့်မားတာကြောင့် ကျနော်တို့ရဲ့ F – 7 ကြားဖြတ် တိုက်လေယာဉ်အုပ်မှာ ဘယ်သူ့ကို ကြည့်ကြည့် သစ်လွင်တောက်ပနေကြပါတယ်။ ဒီတပ်ကို ရောက်ရောက်ချင်း နေ့က စက်မှုလက်မှု အရာရှိတို့၊ တပ်ရေးဗိုလ်ကြီးတို့ကို သတင်းပို့ပြီးတော့ ဒီတပ်ရဲ့ တပ်မှူးဖြစ်တဲ့ အုပ်မှူးဆီကို ဆက်ပြီးသတင်းပို့ရပါတယ်။ လေသူရဲတွေဘက်ခြမ်းက လေအေးစက်တွေနဲ့ အခန်းတွေ၊ ကွန်ပျူတာတွေနဲ့ အလုပ်ရှုပ်နေကြတဲ့ စာရေးမ လှလှလေးတွေကို ဖြတ်ကျော်ပြီး ရုံးခန်းကြီးတစ်ခုထဲကို ရောက်တော့ နိုင်ငံခြား ရုပ်ရှင်တွေထဲက စီးပွားရေးလုပ်ငန်းရှင်ကြီးတွေ ထိုင်ကြတဲ့ ဆုံလည်ကုလားထိုင်ကြီးမှာ ထိုင်နေတဲ့ ကျနော်တို့ F – 7 ကြားဖြတ် တိုက်လေယာဉ်အုပ်ရဲ့ အုပ်မှူးကို တွေ့ရပါတယ်။
လေတပ်တစ်တပ်ရဲ့ တပ်မှူးဆိုလို့ (စလက) မှာတုံးက အလကားနေရင်း ကျနော်တို့ သင်တန်းသားတွေကို လာလာပြီး ဆူပူကြိမ်းမောင်း မြက်ပေါက်ခိုင်းနေတဲ့ စွပ်ကျယ်လက်ပြတ်နဲ့ တပ်မှူးကိုပဲ မြင်ခဲ့ဘူးတဲ့ ကျနော်ဟာ အခု ဆုံလည်ကုလားထိုင်ပေါ်ကနေ ဂြိုလ်တုစလောင်း တီဗွီကြည့်နေတဲ့ စတိုင်ကျကျ ကျနော်တို့ရဲ့ တိုက်လေယာဉ်အုပ်မှူးကို တွေ့လိုက်ရတော့ ကျနော်ပါ သွေးကြီးချင်သလိုလို ခြေဖျားထောက်ချင်သလိုလို ဖြစ်သွားခဲ့ပါတယ်။ အုပ်မှူးက ကျနော့်ကို တစ်ချက်ပဲကြည့်ပြီး “ကောင်လေးကို လိုတာတွေ ကြည့်လုပ်ပေးလိုက်” လို့ တပ်ရေးဗိုလ်ကြီးကို အမိန့်ပေးလိုက်ပါတယ်။ တပ်ရေးဗိုလ်ကြီးက ကျနော့်ကို အနောက်ဘက်ခြမ်းကို ပြန်ခေါ်သွားပြီးတော့ စက်မှုလက်မှုဘက်က ဗိုလ်မှူးဆီကို အပ်လိုက်ပါတယ်။ “အစ်ကိုကြီး ဒီ ရဲဘော်သစ်ကို ယူနီဖေါင်းရော အပေါ်အောက်တဆက်ထဲ Overhaul ၀တ်စုံရော အသစ်တွေ ချုပ်ပေးလိုက်ပါ။ နေတာစားတာ အကုန်လုံး အဆင်ပြေအောင် လုပ်ပေးလိုက်ပါ” ဆိုပြီး ဗိုလ်ကြီးက ဗိုလ်မှူးကို ပြောသွားပါတယ်။
အစ်ကိုကြီးလို့ ခေါ်တာကလွဲရင် သူ ပြောသွားသမျှဟာ အမိန့်ပေးသွားတာမို့ ဒီတိုက်လေယာဉ်အုပ်မှာ ဗိုလ်ကြီးက ဗိုလ်မှူးကို အမိန့်ပေးလို့ရသလားလို့ ကျနော် ဇဝေဇ၀ါဖြစ်သွားပါသေးတယ်။ ဒီ တိုက်လေယာဉ်အုပ်ရဲ့ တရားမ၀င် လေယာဉ်ဆီ ရောင်းလို့ရတဲ့ ငွေတွေကအစ ဒီတစ်တပ်လုံးရဲ့ အတွင်းရေးအားလုံးကို အုပ်မှူးက တပ်ရေးဗိုလ်ကြီးကို အာဏာကုန် လွှဲအပ်ထားတာမို့ ကျနော်တို့ တစ်အုပ်လုံးက သူ့ကို “သခင်တပ်ရေး” လို့ ကွယ်ရာမှာ ခေါ်ကြတာကို နောက်မှ ကျနော်သိလိုက်ရပါတယ်။ ကျနော်တောင် ကိုယ့်ရဲ့ စက်မှုလက်မှုက အရာရှိတွေထက် “သခင်တပ်ရေး” ကို တည့်အောင်ပေါင်း သူခိုင်းတဲ့ သူ့ကိုယ်ရေးကိုယ်တာ ကိစ္စတွေကို လုပ်ပေးနဲ့ “သခင်တပ်ရေး” ရဲ့ အရှိန်အ၀ါအောက်မှာ အလုပ်ကို အချောင်ခိုတတ်လာပါတယ်။
ဒီလိုနဲ့ ကျနော်တို့ (လကသ) ရဲ့ လေယာဉ်ပြေးလမ်းထိပ်က စပါးတို့ ပြောင်းတို့ ပဲတို့စိုက်တဲ့ ကျနော်တို့အုပ်မှာ “မြောက်တော” လို့ခေါ်တဲ့ စိုက်ခင်းဆီကို ကျနော် ပြောင်းခဲ့ရပြန်ပါတယ်။
ဦးရော်နီညိမ်း။ ။ လေတပ်စက်မှုလက်မှု ပညာရပ်တွေကို သင်ကြား တတ်မြောက်လာခဲ့တဲ့ ဆောင်းပါးရှင် မြင့်မိုရ်ဟာ သူတို့ လေယာဉ်အုပ်ရဲ့ သက်သာချောင်ချိရေး စိုက်ခင်းပျိုးခင်းတွေကို ရောက်ရှိသွားခဲ့ရပုံ ဒီစိုက်ခင်းဟာ တပ်ရဲ့ သက်သာချောင်ချိရေးအတွက် ဟန်ပြထားရှိတာသာ ဖြစ်ပြီးတော့ တကယ့် သက်သာ ချောင်ချိရေးကို အရာရှိ၊ စစ်သည်တွေအတွက် ဘယ်လို စီမံလှုပ်ရှားကြရသလဲ ဆိုတာတွေနဲ့ တပ်မတော်လေရဲ့ လျှမ်းလျှမ်းတောက် F - 7 ကြားဖြတ် တိုက်လေယာဉ်အုပ်က စက်မှုလက်မှု စစ်သည်တစ်ယောက်ရဲ့ အတွေ့အကြုံတွေကို “လေတပ်သားတစ်ဦးရဲ့ ဘ၀ကောက်ကြောင်း” နောက်ဆုံးပိုင်း အပိုင်း (၃) မှာ ဆက်ပြီး ထုတ်လွှင့်သွားမှာ ဖြစ်ပါတယ်။ ကျနော် ရော်နီညိမ်းပါ။
လေတပ်သား တဦး၏ ဘ၀ကောက်ကြောင်း အပိုင်း (၃) အား ဒီနေရာမှာ နှိပ်ပြီး ဆက်လက် လေ့လာ ဖတ်ရှုနိုင်ပါတယ်။
| < Prev | Next > |
|---|